karya sastra_Kuthanisun

Kuthanisun

• 
• 

Kuthanisun

Oleh: Kholil (Dosen Fakultas Humaniora dan Budaya)

Siji wektu isun kepikir kepingin balik nyang riko
Koyo bengen susah lan seneng nyanding bareng ambi riko
Tau isun mlaku-mlaku, alas, gunung, segoro
kabeh sun liwati lan sun deleng
Rijig apik koyo lemah kang dicoplok teko suwargo

Banyuwangi
Banyuwangi kuthanisun, kutha kang tentrem lan asri
Kutha kang sugih kabudayan sugih tradisi
Ana gandrung, janger, barong, kuntulan
ugo ana kang diarani slametan utowo kenduri
Masio masyarakate Islam
Warisan leluhur teko mbah buyut tetep dirumat lan diuri-uri
Contone Seblang, Kebo-keboan lan Ider Bumi
Ring Banyuwangi
panggonan wisata sing kaitung akehe
Mulai teko kang alami sing diubah blas lan digawe-gawe
sampe kang gawenan tangan ulie sekolah lan kepinteran
Alas Purwo, Alas Baluran, Sukomade, Grajagan, Kawah Ijen
sampe Alam Indah Lestari iku contone
Dulur
Siji wektu riko kudu weruh
Kudu ndeleng lan ngerasakaken kelendi apik lan rijige kuthanisun Banyuwangi
Mulo isun ojo salahaken
Kadung sampe saiki mageh tetep iling lan kangen
nyang kuthanisun Banyuwangi
kutha kang kesohor Blambangan

Malang, 18 Nop. 2011
Naskah puisi ini ditampilkan di Festival Budaya 2011